ललितपुर असोज २१ गते २०८२ 

राहिल महर्जन 

ललितपुर जिल्लाको थेचो क्षेत्रमा प्रचलित एक प्राचीन धार्मिक र सांस्कृतिक नाच हो नवदुर्गा नाच । यो नाचमा नवदुर्गा देवीहरूका विभिन्न रूपहरूलाई मुखौटा (देवगण) लगाएर नाच प्रदर्शन गरिन्छ। यस नाचको मुख्य उद्देश्य देवी दुर्गाको शक्तिको आराधना, गाउँको सुरक्षा र समृद्धिको कामना गर्नु हो। नवदुर्गा नाचको क्रममा बलि (पशु बलि) पनि दिने परम्परा छ, जुन देवीप्रतिको भक्तिभाव र परम्परागत संस्कारको प्रतीक मानिन्छ। यो नाच प्रायः दशैं र विभिन्न विशेष पर्वहरूमा गाउँका पुरोहित र देवगणहरूले प्रदर्शन गर्छन्। यसले थेचोको सांस्कृतिक पहिचानलाई जोगाइरहेको छ र स्थानीय समुदायबीच एकता र आस्थाको भाव पनि फैलाउँछ।