भक्तपुर बैषाख १३ गते २०८२
स्वास्थ्यका लागि खेलकुद, राष्ट्रका लागि खेलकुद भन्ने नाराका साथ भक्तपुरमा पहिलो पटक राष्ट्रव्यापी किक बक्सिङ्ग प्रतियोगिता हुने भएको छ । यही बैषाख १९ र २० गते दुई दिनसम्म हुने प्रतियोगिता सुर्यविनायक नगरपालिका वडा नम्वर ८ जगाति स्थित भक्तपुर ईट्टा तथा टायाल कारखानको हल बनाई प्रतियोगिता गर्न लागेको हो । यस प्रतियोगिता गर्नुको मूल उद्धेश्य भनेको राष्ट्रिय स्तरका उत्कृष्ट खेलाडीहरुको पहिचान गर्ने, प्रशिक्षण दिन सक्ने र भविष्यमा अन्तराष्ट्रिय प्रतियागितामा नेपालको प्रनिधित्व गर्न सक्षम खेलाडी बनाउने रहेको आयोजक समितिले जनाएको छ । यस प्रतियोगितामा नेपालको सातै प्रदेशका २० भन्दा बढी जिल्लाहरुबाट विभिन्न क्लबका करिव १२० जना भन्दा बढी खेलाडीहरुको सहभागिता रहने अनुमान गरिएको समितिले प्रेशविज्ञप्तिमा उल्लेख गरिएको छ । विश्व किक बक्सिङ्ग महासंघ(ध्ब्प्इ)द्धारा स्वीकृत प् ज्ञ नियमावलीमा रहि प्रत्येक बाउट ३ राउण्डको हुनेछ र प्रत्येक राउण्डको २ मिनेट अवधि हुने छ । प्रतियोगितामा ११ वटा तौल तथा वर्गगत प्रतिस्पर्धाहरु गरिनेछ । जसमा पुरुष तर्फ ५१, ५४, ५७, ६३.५, ६७, ७५ केजी र खुल्ला तौैलमा खेलहरु सञ्चालन हुनेछ भन महिला तर्फ ५२, ५७, ६० केजी र खुल्ला तौल समुहमा खेल सञ्चालन गरिने आयोजक समितिले जनाएको छ । प्रतियागिताको बिशेष आकर्षणको रुपमा २ वटा प्रो फाइट (व्यावसायिक स्तरका खेलाडीहरु) पनि आयोजना हुनेछन् भने खेलाडीहरुको तौल जाँच बैषाख १८ गते गरिने समितिले जनाएको छ । प्रतियागितामा बिजयी खेलाडीहरुलाई स्वर्ण, रजत र कास्य पदक प्रदान गरिने छ भने समग्रमा उत्कृष्ट खेल प्रदर्शन गर्ने टिमलाई विशेष ट्रफी प्रदान गरिने छ ।