भक्तपुर माघ २३ गते २०८१ 
नेपाल रेडक्रस सोसाइटी भक्तपुर जिल्ला शाखाले संचालन गर्दै आएको रक्त संचार केन्द्रको लागि निर्माण हुनलागेको आकस्मिक रक्त संकलन कक्ष निर्माण गर्दा लाग्ने खर्चमा ७५% शुभकामना बचत तथा ऋण सहकारी संस्था लि.को तर्फबाट व्यहोर्ने दुई पक्ष बिच आज सौम्झौता भएको छ । उक्त कक्ष निर्माणमा लाग्ने बाँकी २५% नेपाल रेडक्रस सोसाइटी भक्तपुर जिल्ला शाखाले व्यहोर्ने छ । उक्त संकलन केन्द्रमा रक्तदान गर्न आउने रक्तदाताहरुको लागि रिफ्रेस्मेन्ट बापत लाग्ने खर्च पाँच हजार शुभकामना साकोसले व्यहोर्ने पनि सम्झौता पत्रमा उल्लेख गरिएकोछ ।

सम्झौता पत्रमा नेपाल रेडक्रस सोसाइटी भक्तपुर जिल्ला शाखाको तर्फबाट सभापति परशुराम पाण्डे र शुभकामना साकोसको तर्फबाट अध्यक्ष रामप्रसाद कासुलाले हस्ताक्षर गरी एक एक प्रति आदान प्रदान गरीएको छ । उक्त अवसरमा नेपाल रेडक्रस सोसाइटी भक्तपुर जिल्ला शाखाका मन्त्री धर्मराज कार्की, चाँगुनारायण न.पा २ का वडा अध्यक्ष एवं ने रे सो भक्तपुर जिल्ला शाखाका सदस्य एवं रक्त संचार केन्द्र संयोजक सोम प्रधान र शुभकामना साकोसको तर्फबाट प्रमुख सल्लाहकार बालमुकुन्द सुवाल, सचिव पुष्प लाल तिमिला, कोषाध्यक्ष धर्मरत्न शाक्य, संचालक नारायण बहादुर बासुकला र प्रबन्धक रेश्मी श्रेष्ठको उपस्थिति रहेको थियो ।