भक्तपुर माघ २० गते २०८१
ट्राफिक प्रहरी कार्यालय भक्तपुरले आइतवार भक्तपुरको दुधपाटीमा दुइपांग्रे सवारी साधन लाई वाटो मै रोकेर ट्राफिक नियम पालना सम्वन्धी सचेतना कक्षा लिएको छ । दुइपांग्रे सवारी साधन मोटरसाइकल तथा स्कुटर बढीमात्रामा दुर्घटना भएको भन्दै ट्राफिक प्रहरीले बाटोमै सवारी रोकेर सवारी चालकहरुलाई दुई मिनेटको सचेतना कक्षा दिन थालेको हो । दुईपाग्रे चालकहरुलाई सवारी चलाउदा मोवाइल फोन प्रयोग नगर्न, मापसे र लापसे गरि सवारी नचलाउन , लेन अनुसासन कायम गर्न, ट्राफिक वत्ति र इसाराको पालना गर्न तथा तिव्र गतिमा सवारी नचलाउन सचेतना कक्षा लिएर सचेत बनाएको भक्तपुर ट्राफिक प्रहरी प्रमुख इन्स्पेटर प्रदिप खत्रीले बताउनुभयो । उपत्यका ट्राफिक कार्यालयले उपत्यका भित्र विषेश गरि मोटर साइकल दुर्घटना वढी रहेको र दुर्घटनामा अंगभंग भइ ज्यानै गुमाउनुपर्ने अवस्था आएपछि सचेतना कार्यक्रम लागु गरिएकोे जनाएको छ । यो अभियान १० दिन सम्म उपत्यका भित्र विभिन्न स्थानमा संचालन गर्ने   ट्राफिक प्रहरी कार्यालयले जनाएको छ।