अष्ट्रेलियाको सबैभन्दा ठुलो टि २० क्रिकेट प्रतियोगिता बिग बास लिग बिहीवार (आज) बाट सुरु हुदैछ। लिगको पहिलो खेलमा नेपाली स्टार खेलाडी सन्दीप लामिछाने सम्मिलित टोली होर्बट हरीकेन्स र सिडनी सिक्सर्स बीच बेलेराइव ओवलमा नेपाली समय अनुसार दिउसो २ बजे सुरु हुनेछ । यसअघि सिजनका खेलहरु ३ डिसेम्बरमबाट सुरु हुने तय भएको थियो । तर क्रिकेट अष्ट्रेलियाले प्रतियोगिता एक हप्ता अगाडि सारेको छ । क्रिकेट अष्ट्रेलियाले लिगका खेलहरु देशको बिभिन्न २१ ठाँउमा हुने जनाएको छ ।

नेपाली स्टार क्रिकेटर सन्दीप लामिछानेले बिबिएलमा होर्बट हरीकेन्सबाट खेल्ने छन । तर हाल उनी नेपाल क्रिकेट टोलीको बन्द प्रशिक्षणमा रहेका छन । सन्दीपका म्यानेजर रमण सिवाकोटीका अनुसार सन्दीप डिसेम्बर १४ वा १५ मा अष्ट्रेलिया प्रस्थान गर्ने सम्भावना रहेको छ । अष्ट्रेलिया पुगेपछि सन्दीप १४ दिन क्वारिन्टाईनमा बस्ने र उनको पिसिआर रिर्पोट आएपछि मात्रै प्रतियोगितामा सहभागिता जनाउने छन । सन्दीपले बिबिएलको सुरुवाती खेलहरु गुमाउने भएका छन ।